Sulmuesi i Al Saddit, Baghdad Bounedjah, ka shënuar gol në fundin e ndeshjes për t’i mbajtur gjallë shpresat e Algjerisë për kalim në fazën nokaut të Kupës së Afrikës.
Algjeria të shtunën barazoi 2:2 me Burkina Fason, në kuadër të Grupit D të kësaj gare.
Burkina Faso pas dy ndeshjeve ka katër pikë, ndërsa Algjeria ka dy pikë.
Mohamed Konate i Burkina Fasos shënoi në minutën e tretë shtesë në pjesën e parë.
Bounedjah i barazoi shifrat në minutën e 51-të.
Nga penalltia për 2:1 në të mirë të Burkina Fasos realizoi sulmuesi i Aston Villas, Bertrand Traore.
Por, Bounedjah shënoi edhe një herë tjetër për algjerianët në minutën e pestë të kohës shtesë për rezultatin përfundimtar, 2:2.
Në grup janë gjithashtu edhe Angola dhe Mauritinia, që kanë një pikë përkatësisht zero. Do të luajnë mes vete nga ora 18:00.