Mbrojtësi i krahut të majtë, Nicolas Tagliafico do të largohet nga skuadra e Ajaxit në fund të këtij edicioni.
Mediumet holandeze kanë raportuar të hënën se Ajaxi tashmë i ka caktuar çmimin 28-vjeçarit, i cili ka kontratë deri në vitin 2023.
Për ta lënë të lirë Tagliaficon gjatë kësaj vere, Ajaxi po kërkon 18 milionë euro dëmshpërblim.
Interesim të fortë për Tagliaficon kohët e fundit, ka treguar skuadra angleze Leeds United që është e vendosur në transferimin e tij.
Tagliafico këtë sezon ka një gol e katër asistime në 39 ndeshje në të gjitha garat me Ajaxin.
Artikuj të ngjashëm