Sportistët nga Kosova vazhdojnë të prekin nivele gjithnjë e më të larta në sportin zviceran. Të hënën është bërë e ditur se hendbollistja e përfaqësueses së Kosovës, Pashke Marku, ka arritur shifrën prej 500 golave në elitën helvetike.
Marku është ende 23-vjeçare, por tashmë mund të mburret me numrin e madh të golave të shënuar. Ajo luan për Kreuzlingenin në elitën e Zvicrës.
Është sajti zyrtar i Federatës së Hendbollit të Zvicrës që ka njoftuar për të arriturën e veçantë të Pashke Markut. Ajo luan në pozitën e alos dhe te Kosova është prej lojtareve më të mira.
“Pashke Marku e HSC Kreuzlingen ka kaluar kufirin e 500 golave në nivelin më të lartë të hendbollit zviceran. 23-vjeçarja ka luajtur në HSC që nga viti 2011 dhe ka pasur karrierë impresionuese si juniore. Ajo si 13-vjeçare ka luajtur me ekipin U19. Me 15 vjet është bërë e rregullt në ekipin e parë të Kreuzlingenit. Pas një qëndrimi të shkurtër te Spono Eagles, ajo u kthye në vitin 2019 dhe ishte pjesë e rëndësishme e Kreuzlingenit që atëherë”, ka shkruar “handball.ch”.
Federata e Hendbollit e Kosovës e ka uruar Pashke Markun për shifrën jubilare të golave.
-
Pashke Marku largohet nga sporti në moshën 25-vjeçare, i ka realizuar 735 gola në elitën zvicerane
-
Pashke Marku tërhiqet nga përfaqësuesja e Kosovës në moshën 24-vjeçare
-
Kosovarët në top-pesëshe në Superligën e Zvicrës
-
Jo vetëm në futboll, Federata zvicerane i do shqiptarët edhe në hendboll
-
Klubi elitar zviceran shton edhe një hendbolliste në “koloninë shqiptare”