Vedat Muriqi ishte vendimtar te Mallorca, të martën në ndeshjen e vështirë ndaj Barcelonës. Në kuadër të xhiros së shtatë të La Ligas, Mallorca mori barazim të madh, 2:2. Pas një gabimi në mbrojtjen e Barçës, Muriqi shënoi me goditje nga zona për 1:0, në minutën e tetë. Raphinha barazoi rezultatin në 1:1 në minutën e 41-të.
Por Mallorca shënoi tjetër gol në pjesën e parë. Në minutën e tretë të kohës shtesë, Muriqi përcjelli një top me goditje me kokë dhe Abdon Prats shënoi për 2:1.
Raphinha në minutën e 75-të asistoi për Fermin Lopez që shënoi për 2:2. Për Barcelonën është barazimi i dytë. I ka edhe pesë fitore dhe me 17 pikë udhëheq në tabelë. Mallorca ka një fitore, tri barazime e tri humbje. Ka mbledhur gjashtë pikë që i sigurojnë vendin e 15-të. Muriqi ka shënuar në ndeshjen e tretë rresht të La Ligas. Ka tri gola në shtatë paraqitje.
22:23
Muriqi tani asiston, Mallorca udhëheq 2:1
Vedat Muriqi po shkëlqen ndaj Barçës. Pasi shënoi për 1:0, Muriqi asistoi për epërsinë 2:1 të Mallorcas. Prats shënoi në minutën e tretë të kohës shtesë në pjesën e parë.
Raphinha barazoi rezultatin në 1:1 në minutën e 41-të.
