Paris Saint-Germaini nuk po heq dorë nga transferimi i mesfushorit Bernardo Silva, i cili ka paralajmëruar largimin nga Manchester City në fund të këtij sezoni. “L’Equipe” shkruan të martën se Parisi tashmë ka bërë ofertë zyrtare për portugezin, të cilit i ka ofruar kontratë të majme katërvjeçare për ta bindur që të transferohet në Francë.
Për kartonin e tij thuhet se Parisi i ka ofruar Cityt 60 milionë euro, pa përfshirë bonuset.
28-vjeçari te PSG-ja po shihet si përforcim i rëndësishëm për sezonin e ri dhe drejtuesit e klubit do të bëjnë të pamundurën për transferimin e tij.
Ai ka kontratë me Cityn deri në vitin 2025, ndërsa këtë sezon ka dy gola e pesë asistime në të gjitha garat.
