Mbrojtësi i Manchester Unitedit, Raphael Varane, ka njoftuar tërheqjen e tij nga Përfaqësuesja e Francës.
Ai për Francën fitoi Kupën e Botës në vitin 2018 në Rusi.
“Paraqitja për një dekadë për vendin tim ka qenë një nga nderimet më të mëdha të jetës time. Unë e kam menduar këtë për disa muaj dhe kam vendosur se është koha e duhur për mua të pensionohem nga Franca. Do të më mungojnë këto momente me ju me siguri, por ka ardhur koha që brezi i ri të marrë përsipër gjërat. Nga zemra, faleminderit”, ka shkruar Varane.
Për përfaqësuesen franceze të futbollit luajti 93 ndeshje.
13:21
Varane do të tërhiqet nga Përfaqësuesja e Francës
Mbrojtësi Raphael Varane është lojtari i radhës që do të tërhiqet nga futbolli ndërkombëtar, ka njoftuar “L’Equipe” të enjten.
Varane tashmë ka vendosur që të largohet nga Përfaqësuesja e Francës, me të cilën ka regjistruar 93 paraqitje dhe ka fituar titullin e botës.
29-vjeçari është pjesë e Francës prej vitit 2013, por dëshiron që të fokusohet në klub dhe tek familja e tij.
Vendimin për largim, Varane e ka marrë shkaku i orarit të ngarkuar të ndeshjeve dhe pritet së shpejti të dal me njoftim zyrtar.
Varane do të jetë lojtari i tretë që tërhiqet nga Franca pas Botërorit “Katari 2022”, në të cilin doli nënkampion.
Para tij, nga karriera ndërkombëtare janë tërhequr edhe portieri Hugo Lloris e sulmuesi Karim Benzema.
