Napoli ka shënuar fitore të vështirë por shumë të rëndësishme në garën për titull të kampionit të Italisë.
Ishte Giovanni Simeone që shënoi golin e fitores ndaj Romës, të dielën mbrëma. Simeone shënoi për fitoren 2:1 në minutën e 86-të.
Victor Osimhen shënoi golin e parë për Napolin në minutën e 17-të. Roma barazoi rezultatin në minutën e 75-të.
Stephan El Shaarawy ishte golashënues. Ndeshja i ka takuar xhiros së 20-të të Serie A. Napoli tani udhëheq me 53 pikë, 13 më shumë se Interi. Roma është e gjashta me 37 pikë. Amir Rrahmani kompletoi ndeshjen te Napoli. Marash Kumbulla qëndroi në stol te Roma.
© KOHA. Të gjitha të drejtat janë të rezervuara.
