Përfaqësuesja e Gjermanisë është shtangur në ndeshjen e parë të Kupës së Botës. Në duelin e Grupit E, Gjermania ka pësuar humbje nga Përfaqësuesja e Japonisë.
Në fakt, Japonia ka fituar me përmbysje të rezultatit, duke shkaktuar befasinë e radhës në Katar pas përmbysjes së djeshme të Arabisë Saudite ndaj Argjentinës.
Japonia ka shënuar dy gola në pjesën e dytë për ta mposhtur Gjermaninë, e cila ishte në epërsi pas pjesës së parë.
Golin për Gjermaninë, e shënoi Ilkay Guendogan në minutën e 33-të nga penalltia. Me këtë gol edhe u zhbllokua rezultati i ndeshjes, përpara se Japonia të rikthehet fuqishëm në pjesën e dytë.
Brenda tetë minutave, Japonia shënoi dy gola për ta siguruar fitoren në ndeshjen e parë të Botërorit. Fillimisht, në minutën e 75-të rezultati u barazua nga Ritsu Doan. Ndërkohë, fitoren e vulosi Takuma Asano në minutën e 83-të.
Të dy futbollistët që shënuan golat ndaj Gjermanisë, bëjnë karrierë në Bundesligë. Doan është pjesë e Wolfsburgut, ndërsa Asano aktivizohet te Bochumi.
Në këtë grup, prej orës 17:00, takohen Spanja me Kosta-Rikën.
Japonia e ka përmbysur rezultatin ndaj Gjermanuisë
Pak minuta pas golit të barazimit, Japonia ka shënuar edhe golin e dytë për të kaluar në epërsi ndaj Gjermanisë.
Tetë minuta pas golit të parë, Japonia avancoi nëpërmjet Takuma Asanos. Ai shënoi nga afërsia në minutën e 83-të. Dy golat për Japoninë, i shënuan lojtarët që bëjnë karrierë në Bundesligë.
Kliko KËTU për ta parë golin
Futbollistët e Japonisë kanë barazuar rezultatin ndaj Gjermanisë pas disavantazhit në pjesën e parë.
Japonia ka shënuar në minutën e 75-të për rezultatin 1:1. Golin për japonezët e ka shënuar Ritsu Doan
Kliko KËTU për ta parë golin
Gjermania po avancon ndaj Japonisë pas pjesës së parë. Kjo ndeshje po luhet në stadiumin “Khalifa International” dhe i takon Grupit E.
Pas 45 minutave të parë, rezultati është 1:0 në favor të Gjermanisë.
Golin e vetëm në këtë pjesë, e shënoi mesfushori Ilkay Guendogan. Ai e zhbllokoi rezultatin duke u treguar i saktë nga penalltia, të cilën e fitoi David Raum pas një dueli me portierin e Japonisë.
Në anën tjetër, Japonia arriti të shënojë gol në minutën e tetë nëpërmjet Diazen Maedas, por që u anulua për shkak të pozitës jashtë loje.
Po ashtu, edhe Gjermanisë iu anulua një gol për arsye të njëjtë, të cilin e shënoi Kai Havertz.
Përfaqësuesja e Gjermanisë ka kaluar në avantazh ndaj Japonisë në duelin e Grupit E të Kupës së Botës.
Gjermanët avancuan në minutën e 33-të, nëpërmjet mesfushorit Ilkay Guendogan. Guendogan shënoi nga penalltia, të cilën e fitoi David Raum.
Kliko KËTU për ta parë golin
Japonia e ka nisur furishëm ndeshjen ndaj Gjermanisë, e vlefshme për Grupin E të Kampionatit Botëror.
Takimi që po luhet në stadiumin “Khalifa Interantional” dhuroi gol në minutat e para, por u anulua për shkak të pozitës jashtë loje.
Daizen Maeda ishte realizator.
Në këtë grup bëjnë pjesë edhe Spanja e Kosta-Rika.
