Mallorca ka pësuar humbje në shtëpi nga Sevilla, të shtunën mbrëma. Ndeshja e javës së nëntë të La Ligas spanjolle përfundoi 1:0 në të mirë të Sevillas.
Golin e vetëm për Sevillan e shënoi Nemanja Gudel në minutën e 53-të.
Mallorcas i mungoi lojtari kryesor i sulmit, Vedat Muriqi. Ai është i suspenduar për shkak të kartonit të kuq në ndeshjen e kaluar.
Te Sevilla, Adnan Januzaj qëndroi në stol.
Mallorca është e 12-ta me 9 pikë, sa i ka edhe Sevilla në vendin e 13-të.
