Sulmuesi nga Kosova, Patriot Sejdiu, ka shkëlqyer në fitoren e thellë të Malmos kundër Bralandës si mysafir me rezultatin 9:0. Ndeshja ishte e vlefshme për Kupën e Suedisë.
Sejdiu shënoi tre gola. Fillimisht kaloi Malmon në epërsi në minutën e dytë. Golin e dytë e shënoi në minutën e dhjetë, kurse hat-trickun e kompletoi në minutën e 70-të.
22-vjeçari pret që të ketë më shumë minuta edhe në kampionat. Këtë edicion në elitën e futbollit suedez ka shënuar tri gola në 12 ndeshje.
Më herë, Sejdiu ka pranuar të luajë për Kosovën, duke e lënë përfaqësuesen e Suedisë.
