Historike, kampioni i Kosovës në fazën grupore të Ligës së Konferencës

Ballkani ka shkruar histori të futbollit kosovar. Kampioni i Kosovës do të luaj në fazën e grupeve të Ligës së Konferencës.

Ballkani suksesin historik e ka arritur në debutim në skenën evropiane.

Ballkani është vetëm ekipi i dytë shqiptar që paraqitet në fazën grupore në kupat evropiane.

Në plejof, Ballkani e kaloi Shkupin, kampionin e Maqedonisë së Veriut.

Pas fitores 2:1 në Shkup, Ballkani të enjten mbrëma në “Fadil Vokrri” fitoi 1:0 ndaj Shkupit. Me rezultatin 3:1, avancoi në fazën grupore.

Golin e fitores e shënoi Meriton Korenica në minutën e 69-të. Ballkani prej minutës së dytë luajti me një lojtar më shumë në fushë. Me karton të kuq u ndëshkua mbrojtësi i Shkupit, Abdulla Xhelili, që ndërhyri në mënyrë të palejuar në Albion Rrahmanin. Xhelili ishte lojtari i fundit.

Ballkanin tani e presin të paktën edhe gjashtë ndeshje evropiane. Kundërshtarët e fazës grupore i mëson menjëherë të premten.

Ballkani është në prag të fazës së grupeve në Ligën e Konferencës. Ballkani po udhëheq 1:0 ndaj Shkupit në Prishtinë.

Për 1:0 ka shënuar Meriton Korenica në minutën e 68-të. Ai shënoi pas një gabimi në mbrojtjen shkupjane. Tani rezultati i përgjithshëm është 3:1 në të mirë të Ballkanit.

Me një karton të kuq të marrë nga Shkupi, por pa gola dhe me fare pak raste shënimi është mbyllur pjesa e parë ndërmjet Ballkanit dhe Shkupit.

Ballkani dhe Shkupi në stadiumin “Fadil Vokrri” në Prishtinë po e zhvillojnë ndeshjen kthyese të plejofit të Ligës së Konferencës.

Fituesi i takimit vazhdon në fazën e grupeve të garës së tretë të UEFA-s për nga rëndësia.

Në pjesën e parë dominim të lehtë pati skuadra e Ballkanit, por nuk arriti ta shfrytëzojë epërsinë numerike në fushë.

Shkupi që nga minuta e dytë mbeti me një futbollist më pak në fushë.

Abdulla Xhelili si lojtari i fundit ndali në mënyrë të palejuar Albion Rrahmanin dhe u përjashtua direkt me të kuq.

Rastin më të mirë të suharekasve e pati Ermal Krasniqi në minutën e 40-të të ndeshjes.

Por, Krasniqi dështoi të shënonte përballë portierit dhe kapitenit Kristijan Naumovski.

Ndeshjen e parë të zhvilluar në stadiumin “Todor Proeski” në Shkup, e fitoi Ballkani me rezultatin 2:1.

Me të startuar ndeshja mes Ballkanit dhe Shkupit, arbitri kryesor e ka nxjerrë kartonin e kuq.

Skuadra e Shkupit ka mbetur me një lojtar më pak që në minutën e dytë.

Është përjashtuar direkt me të kuq qendërmbrojtësi Abdulla Xhelili. Xhelili si lojtar i fundit, e ndali në mënyrë të palejuar sulmuesin e Ballkanit, Albion Rrahmanin në minutën e dytë.

Kjo është ndeshje kthyese e plejofit për inkuadrim në fazën e grupeve të Ligës së Konferencës.

Ndeshja po luhet në stadiumin “Fadil Vokrri” në Prishtinë.

Ballkani e fitoi ndeshjen e parë në Shkup, 2:1.

© KOHA. Të gjitha të drejtat janë të rezervuara.