Xhudisti Shpati Zekaj ka mbetur pa medalje në Lojërat Mesdhetare “Oran 2022”.
Zekaj në kategorinë deri në 100 kilogramë u ndal në repesazh, pasi pësoi nga kroati Marko Kumriq.
Zekaj i përfundoi garat në Lojërat Mesdhetare duke u renditur i shtati në kategorinë e tij.
Ai në tri luftëra, pati një fitore e dy humbje.
13:28
Zekaj ndalet në çerekfinale, kërkon rastin përmes repesazhit
Shpati Zekaj është ndalur në çerekfinale të Lojërave Mesdhetare.
Pasi kaloi italianin Enrico Bergamelli, xhudisti kosovar në çerekfinale të kategorisë deri 100 kilogramë e kishte përballë bartësin numër një, serbin Aleksandar Kukolj.
22-vjeçari Zekaj u paraqit mirë ndaj kundërshtarit me përvojë, por jo mjaftueshëm sa për të fituar. Kukolj, kampion evropian dhe nënkampion botëror, avancoi në gjysmëfinale me Ëaza-ari.
Zekaj tani e kërkon medaljen e bronztë përmes repesazhit. I duhen edhe dy fitore.
12:24
Zekaj kalon pengesën e parë
Shpati Zekaj ka nisur me fitore në Lojërat Mesdhetare. Xhudisti kosovar po garon në kategorinë deri 100 kilogramë.
Pas një luftë të vështirë e të gjatë ai mposhti italianin, Enrico Bergamelli. Ndaj tij fitoi me hedhje të bukur në kohën shtesë.
Shpati tani është në çerekfinale ku përballet me bartësin e parë, serbin Aleksndar Kukolj.
