Xhudisti Akil Gjakova është ndarë i kënaqur me medaljen e bronztë të fituar në Lojërat Mesdhetare. Ai ka thënë se synim ishte medalja e artë, por është i lumtur që në Kosovë do të kthehet me medalje të bronztë.

Gjakova në luftë për vend të tretë mposhti italianin Manuel Lombardo. Garoi në kategrorinë deri 73 kilogramë.

“Pas disa garave mendoj se jam kthyer mirë. Edhe pse kam synuar të artën, u radhita i treti. Pas luftës me algjerianin shorti ka qenë edhe më i vështirë të bëhem i treti sesa i pari, sepse kam pasur një kundërshtar të klasit botëror. Në fund të ditës jam i kënaqur me paraqitjen time, por do të vazhdoj tutje. Synimi kryesor është kampionati botëror”, ka thënë Gjakova për KOK-un.