Lojërat Mesdhetare përfundojnë edhe për gjimnastin Elvis Çitaku
Një tjetër sportist i Kosovës ka përfunduar garimin në Lojërat Mesdhetare pa ndonjë sukses kulmor. Të hënën ka garuar gjimnasti Elvis Çitaku që u paraqit në dy disiplina të gjimnastikës artistike.
Ai garoi në kërcim të kalit gjimnastikor dhe në parter, përkatësisht dysheme.
“Në të parën performoi mirë dhe mblodhi 11.150 pikë, ndërsa në parter ishte i pafat pasi u rrëzua dhe nuk arriti të kaloi tutje për në finale”, ka njoftuar KOK-u. Prej gjimnastikës, të dielën garoi Valëza Rama. Ajo pësoi një lëndim dhe nuk mundi të vazhdoi tutje. Gjimnastika kosovare po bën hapat e parë në skenën ndërkombëtare. Dhe niveli vlerësohet ende modest.
