Puna në “Lusail Stadium” në Katar, në të cilin do të zhvillohet finalja e Kampionatit Botëror të vitit të ardhshëm, është pothuajse e përfunduar, tha një zyrtar të enjten. Ka mbetur vetëm që kontrollet e sistemeve të konfirmohen nga komisionet përkatëse.
“Ne jemi në përfundim të stadiumit. Punët janë kryer afërsisht 98.5 për qind”, tha Tamim El Abed, menaxher i projektit për stadiumin. “Punimet strukturore, ndërtimet, çeliku, çatitë, janë të gjitha 100 për qind të përfunduara. Pjesa e mbetur prej 1.5 për qind është testimi dhe vënia në punë e sistemeve të shumta, të nevojshme për funksionimin e kompleksit”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoEl Abed tha se stadiumi mund të presë 85 mijë ose 86 mijë spektatorë dhe insistoi se të gjithë do të jenë të impresionuar me punën e bërë.
“Tetëdhjetë mijë shikues do të kenë një pamje krejtësisht të papenguar të fushës së lojës. Pra, është një stadium më shumë se modern, do ta quaja ultra-modern, që plotëson të gjitha kushtet”, tha ai.
Stadiumi Lusail është rreth 20 kilometra larg nga kryeqendra e Katarit, Doha, dhe do të presë një numër të ndeshjeve gjatë Kampionatit Botëror, duke përfshirë edhe finalen. Është një nga tetë stadiumet që Katari e ka caktuar për Kupën e Botës, që do të jetë ngjarja e parë e këtij lloji që ndonjëherë është mbajtur në Lindjen e Mesme.
Ky stadium është i veçantë. Është projektuar për të imituar shkëlqimin e një fanari, me hapje të çatisë dhe me fasadë të jashtme të lakuar prej çeliku. “Lusail Stadium” si objekt i ka 3.354 dhoma dhe 40 hyrje, sipas El Abedit. Punimet për ndërtimin e stadiumit kanë filluar në vitin 2018, kurse ai ka kushtuar rreth 700 milionë euro.
“Tribunat dhe tarracat u projektuan sipas mënyrës së përhershme, por ka një plan ndoshta për ripërdorimin e hapësirave të brendshme pas përfundimit të Kampionatit Botëror”, u shpreh ai. “Ne jemi krenarë për faktin që stadiumi i këtij kapaciteti është projektuar nga e para dhe ndërtuar nga e para me kërkesat teknike të FIFA-s”.
Katari është përballur me kritika të ashpra për trajtimin e punëtorëve emigrantë, shumë prej të cilëve janë përfshirë në përgatitjet e vendit për Kupën e Botës, me aktivistët që akuzojnë punëdhënësit për shfrytëzim dhe detyrim të punëtorëve të punojnë në kushte të rrezikshme. Megjithatë, autoritetet e Katarit këmbëngulin se kanë bërë më shumë se çdo vend në rajon për të përmirësuar mirëqenien e punëtorëve dhe thonë se ata “kanë qenë gjithmonë transparentë për shëndetin dhe sigurinë e punëtorëve”.