Me humbjen 3:2 në Suharekë nga Arbëria mysafire, trajneri Bledi Shkëmbi e ka pranuar se Ballkani ka mbetur prapa në luftën për titull kampioni.
Sidoqoftë, ai ende nuk e ka shuar shpresën për t’u kurorëzuar në fund si ekipi më i mirë i sezonit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDeri në fund të kampionatit kanë mbetur edhe tri xhiro për t’u zhvilluar.
Ballkani ndeshjen e radhës i shkon Dritës, e pret Trepçën ’89 dhe udhëton te Prishtina në duelin e fundit.
“Patjetër që jemi larg luftës për titull. Do të mundohemi t’i fitojmë të tri ndeshjet tjera. Shpresojmë që të dalim në Evropë”, është shprehur fillimisht Shkëmbi.
Ballkani ndeshjen e kaluar u mposht nga Drenica në udhëtim 2:1. Si Drenica ashtu edhe Arbëria janë me synim për mbetje në elitën e futbollit të Kosovës.
“Janë dy ndeshje që po vuajmë shumë. Ndoshta është gabimi im që nuk arrij t’i motivoj siç duhet. Edhe lodhja po e bën të veten”, përfundoi ish-trajneri i Lirisë në Kosovë, Bledi Shkëmbi.
Me dy humbjet rresht, Ballkani ngelet i treti në tabelë me 67 pikë, pesë më pak se Prishtina që ndiqet nga Drita e cila ka 69.