Sport

Fytyra tjetër e Trepçës

Fytyra tjetër e Trepçës

Prishtinë, 8 mars – Forma e mirë e Trepçës në xhirot e fundit të Superligës së Kosovës në basketboll nuk e ka befasuar aspak trajnerin Serhat Shehit. Madje, trajneri nga Turqia beson dhe pret që Trepça të vazhdojë me këtë ritëm deri në fund të edicionit, duke shkuar ndeshje pas ndeshjeje.

 

Prishtinë, 8 mars – Forma e mirë e Trepçës në xhirot e fundit të Superligës së Kosovës në basketboll nuk e ka befasuar aspak trajnerin Serhat Shehit. Madje, trajneri nga Turqia beson dhe pret që Trepça të vazhdojë me këtë ritëm deri në fund të edicionit, duke shkuar ndeshje pas ndeshjeje.

KB Trepça kur e nisi edicionin synim e kishte mbetjen në elitë. Por seria e rezultateve të mira në ndeshjet e fundit ka bërë që ekipi nga Mitrovica të ngjitet gradualisht në tabelë. Pesë fitore rresht i kanë mundësuar Trepçës të tubojë 31 pikë dhe të renditet në pozitën e gjashtë në tabelë, që e dërgojnë skuadrën mitrovicase në garat e plejofit. Natyrisht nëse e mban këtë vend deri në fund të pjesës së rregullt, në të cilën kanë mbetur edhe gjashtë xhiro.