Skuadra e Ballkanit ka fituar edhe miqësoren e katërt në po aq ndeshje të zhvilluara në Antalia të Turqisë, ku edhe po e kryen fazën përgatitore. Të enjten, Ballkani ka luajtur kundër ekipit elitar të Bullgarisë, Montanas që e ka mposhtur me rezultatin 3:1.
Për ekipin e trajnerit Bledi Shkëmbi, golat në këtë fitore i shënuan sulmuesit e krahut. Ermal Krasniqi shënoi dy gola kurse me një gol në këtë fitore kontribuoi Arbër Hoxha. Golin e nderit për ekipin bullgar e realizoi Toni Tasev. Para Montanas së Bullgarisë, Ballkani në Antalia ka mposhtur edhe Vorskla Poltavan (2:1), CSKA Moskën U21 (3:0) dhe Jagiellonian (2:1). Ballkani të premten do të kthehet në Kosovë për të vazhduar me përgatitjet për stinorin pranveror të Superligës së Kosovës që nis në fund të muajit të ardhshëm.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo