Sergio Busquets është afër që të kthehet në fushën e lojës për ekipin e parë duke e lënë prapa dëmtimin në gju, shkruan “Diario Sport”.
Trajneri Ronald Koeman e vazhdoi stërvitjen të enjten në mëngjes, pas fitores së arritur të martën mbrëma në Ligën e Kampionëve kundër Dinamo Kievit, transmeton KOHA.
Ndryshe prej Gerard Piques, Ronald Araujos, Sergi Robertos, Ansu Fatit dhe Samuel Umtitit që kanë lëndime më të rënda, Busquets ka stërvitur dhe është afër rikthimit në fushë pas ndrydhjes në gju kur ishte në detyrë me Përfaqësuesen e Spanjës.
Ai u lëndua më 14 nëntor në takimin kundër Zvicrës, dhe mungoi në humbjen nga Atletico Madridi, dhe në fitoren e Championsit në Ukrainë.
Barcelona e luan takimin e radhës kundër Osasunas të dielën.
