Chelsea e PSG-ja kanë shënuar fitore të lehta në xhiron e dytë të fazës së grupeve në Ligën e Kampionëve.
Skuadra e Frank Lampardit shënoi 4 me 0 në udhëtim te Krasnodari, transmeton KOHA. Derisa edhe PSG-ja fitoi si muysafir i Bashakshehirit.
Jorginho dështoi t’i jepte epërsinë Chelseat në minutën e 14 kur nuk shënoi nga penaltia.
Megjithatë, në minutën e 37 Hudson Odoi i dha epërsinë skuadrës angleze.
Në pjesën e dytë Chelsea shënoi edhe tre herë përmes Wernerit, Ziyechit dhe Pulishiqit.
Derisa Parisi shënoi fitore prej 2 me 0 ndaj Bashakshehirit.
Ishte sulmuesi 20 vjeçar Moise Kean ai që shënoi të dy golat për PSG-në.
© KOHA. Të gjitha të drejtat janë të rezervuara.
