Barcelona ka shënuar fitore bindëse sonte në “Camp Nou” në përballjen me Villarrealin. Klubi katalunas fitoi 4:0 në ndeshen e xhiros së tretë të La Ligas.
Të katër golat u shënuan në pjesën e parë. Ansu Fati (15’, 19’), Lionel Messi (35’ penallti) dhe Pau Torres (45’ autogol) shënuan për Barcelonën.
Për Barcelonën ishte ndeshja e parë e zhvilluar në këtë edicion në La Liga.
21:50
Barcelona me epërsi të thellë pas pjesës së parë
Barcelona është duke udhëhequr 4:0 ndaj Villarrealit, pas pjesës së parë. Ndeshja po luhet në “Camp Nou” dhe i takon xhiros së tretë të La Ligas.
Ansu Fati (15’, 19’) realizoi dy gola, ndërsa një e shënoi Lionel Messi (35’ penallti). Goli i katërt ishte autogol i Pau Torresit i realizuar në minutën e 45-të.
21:28
Fati me dy gola të shpejtë për Barcelonën
Sulmuesi i ri Ansu Fati ka shënuar dy gola të shpejtë për Barcelonën në ndeshjen ndaj Villarrealit. Barcelona po udhëheq 2:0 në ndeshjen që po luhet në “Camp Nou”.
Fati realizoi në minutat 15 dhe 19. Ndeshja i takon xhiros së tretë të La Ligas.
