1 perditesime
Sport

Ajeti e cilëson Celticun klubin e përkryer për të

Ajeti e cilëson Celticun klubin e përkryer për të
17:07

Ajeti e cilëson Celticun klubin e përkryer për të

Celticu e ka kompletuar transferimin e sulmuesit Albian Ajeti. Futbollisti kosovar është transferuar te gjiganti skocez nga West Hami për rreth gjashtë milionë euro.

Në deklaratën e parë për faqen zyrtare të klubit, Ajeti ka thënë se Celticu është klubi i përkryer për të.

“Di shumë për klubin. Janë ekip me traditë të madhe dhe mendoj se të gjithë e njohin Celticun. Mezi pres të luaj para tifozëve të Celticut, që ka qenë edhe arsyeja pse erdha këtu. Mendoj se Celticu më përshtatet shumë si sulmues, dhe shpresoj t’i bëj të lumtur tifozët”, ka deklaruar ai.

Celticu të enjten e konfirmoi transferimin e reprezentuesit të Zvicrës, që ka firmosur për katër vjet.

Ajeti të mërkurën kishte kaluar testet mjekësore, ndërsa Celticu fillimisht kishte menduar ta huazonte atë. Por drejtuesit e klubit ndryshuan mendje dhe e transferuan atë plotësisht.

“Sky Sports News” mëson se sulmuesi do të marrë pagë më të vogël se që merrte te West Hami, rreth 67 mijë euro në javë.

Ka qenë trajneri Neil Lennon, ai i cili e ka bindur Ajetin ta zgjedhë Celticun, pasi ekipe nga Premier League dhe nga vendet e tjera evropiane kanë shprehur interesim për shërbimet e tij.

“Jemi të kënaqur me transferimin e Ajetit te Celticu”, i ka thënë Lennon faqes zyrtare të klubit. “Ai është lojtar shumë i mirë, me kualitet dhe e di se ai është i vendosur të bëjë gjëra që do t’i sjellin gëzime edhe tifozëve tanë”, ka thënë Lennon.

Një vit më parë, Ajeti ishte kërkuar edhe nga Brentfordi, por ai vendosi për West Hamin. Te Baseli ishte prej lojtarëve kryesorë, por dështoi në Angli. Nuk realizoi asnjë gol me “çekanët”. Pati pak minuta nën drejtimin e Manuel Pellegrinit dhe David Moyesit, duke u paraqitur në total 12 herë.

15:02

Ajeti transferohet te Celticu

Albian Ajeti është zyrtarizuar te klubi i madh skocez Celtic. Ajeti ka firmosur me kampionin e Skocisë kontratë katërvjeçare.

Raportohet se Celticu ka paguar pesë milionë funte për transferimin e tij nga }est Ham Unitedi.

Kryetrajneri i Celticut, Neil Lennon, e ka vlerësuar lartë Ajetin.

“Ne jemi të lumtur që kemi sjellë Albianin në Celtic. Është lojtar i jashtëzakonshëm, një reprezentues me kualitetet të vërtetë. E di se është shumë i përkushtuar të bëjë çdo gjë për të sjellë më tepër sukses te tifozët tanë. E kam admiruar për një kohë të gjatë pasi është lojtar shumë inteligjent, me balanc të mirë dhe realizator shumë i mirë. Nejemi shumë të lumtur që ekemi sjellë atë në Celtic dhe shpresojmë që të ketë karrierë të gjatë dhe të frytshme me ne”, ka thënë Lennon për faqen zyrtare të klubit.