Superylli Lionel Messi është bashkuar në grupin e sportistëve të njohur që kanë bërë donacione në luftë ndaj koronavirusit.
Sipas Mundo Deportivo, Messi ka ndarë një milion euro për këtë qëllim. Sipas gazetës së afërt me Barcelonën, gjysma e kësaj shumë është ndarë për Spitalin në Barcelonë, ndërsa gjysma tjetër për një qendër mjekësore në Argjentinë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Leo Messi ka bërë donacion në klinikën tonë për të luftuar COVID – 19. Faleminderit shumë Leo, për përkushtimin tuaj dhe përkrahjen”, shkruan në njoftimin e klinikës së Barcelonës.
Me paratë e ndara nga Messi dhe të tjerët, këto qendra mjekësore do të jenë në gjendje për të blerë materialin e nevojshëm për të përballuar kërkesat e mëdha për trajtim.
Më herët të martën edhe Pep Guardiola ka ndarë një milion euro, ndërsa shifër e njëjtë është raportuar të jetë ndarë edhe nga Cristiano Ronaldo dhe agjenti i tij.