Mbrojtësi i Liverpoolit, Dejan Lovren, ka refuzuar disa klube për të qëndruar te Liverpooli.

Vetë lojtari thotë se e ka pasur në konsideratë një largim nga të kuqtë, por pas një takimi me trajnerin Jurgen Klopp, kishte vendosur të qëndrojë në Anfield, transmeton KTV.

“Kishte interesim nga disa klube, por pas një bisede me trajnerin vendosa t’i refuzoja. Pas kësaj, vendimi ishte i lehtë, kështu që unë mbeta dhe mendoj se ne jemi në rrugën e duhur për të bërë diçka të madhe këtë sezon përsëri”, deklaroi Lovren.

30-vjeçari ka humbur vendin e titullarit te Liveprooli, duke bërë vetëm katër paraqitje këtë sezon në Premierligë.