Kosova fiton minimalisht miqësoren me Gjibraltarin

Kosova ka fituar 1 me 0 miqësoren me Gjibraltarin.

Të vetmin gol për “Dardanët” e realizoi Florent Hasani në minutën e 69-të.

Kosova dominoi plotësisht në ndeshjen ndaj Gjibraltarit, por pavarësisht numrit të madh të rasteve, nuk arriti të konkretizonte më shumë se një herë.

Të hënën, Kosova luan ndeshjen e ardhshme. Përballet me Malin e Zi në Eliminatoret për “Euro 2020”. Edhe ajo ndeshje zhvillohet në “Fadil Vokrri” në Prishtinë.

Florent Hasani ka kaluar Kosovën në epërsi në miqësoren ndaj Gjibraltarit.

Ai realizoi në minutën e 69-të, për 1 me 0.

Ka nisur pjesa e dytë e përballjes miqësore mes Kosovës dhe Gjibraltarit.

Është mbyllur pa gola pjesa e parë e miqësores mes Kosovës dhe Gjibraltarit.

Në 45-minutëshin e parë dominoi plotësisht Kosova që pati disa raste të mira shënimi, por që asnjërin nuk arriti ta konkretizojë.

Kosova po dominon përballjen miqësore me Gjibraltarin, por nuk ka arritur akoma të konkretizojë asnjë rast për gol.

Rastin më të mirë e pati Bernard Berisha që si i vetëm përballë portierit mysafir nuk arriti të shfrytëzojë një harkim duke e goditur shumë lehtë topin.

Tifozët në “Fadil Vokrri” nderuan legjendën në minutën e nëntë të miqësores së Kosovës me Gjibraltarin.

Ka nisur në Prishtinë miqësorja mes Kosovës dhe Gjibraltarit.

Futbollistët kryesorë të ekipit A të Kosovës në futboll do ta ndjekin miqësoren e Kosovës me Gjibraltarin nga tribunat e stadiumit “Fadil Vokrri”.

Milot Rashica, Vedat Muriqi, Bersant Celina, Herolind Shala e Amir Rrahmani janë disa prej tyre që janë parë në tribuna, pak para nisjes së ndeshjes në orën 18:00.

Janë publikuar formacionet zyrtare për miqësoren mes Kosovës e Gjibraltarit.

Takimi nis në orën 18:00 në “Fadil Vokrri” me këto përbërje:

© KOHA. Të gjitha të drejtat janë të rezervuara.