Trippier tek Atletico Madridi Foto: Reuters

Trippier tek Atletico Madridi

16 July 2019 21:41

Reprezentuesi i Anglisë, Kieran Trippier, është pranë transferimit tek Atletico Madridi nga Tottenhami, njoftoi “Daily Telegraph” të martën. 28-vjeçari ka udhëtuar në Madrid për të finalizuar transferimin që pritet t'i kushtojë Atleticos 22 milionë euro.

Atletico ka kthyer sytë nga Trippieri pasi ka dështuar të transferojë portugezin Nelson Semedo nga Barcelona, transmeton “Koha Ditore”. Trippier ndihmoi Tottenhamin të arrijë në finale të Ligës së Kampionëve stinorin e kaluar, ku u mposht 2:0 nga Liverpooli.

Duke folur pas ndeshjes finale, Trippier e pranoi se e ardhmja e tij nuk është e qartë. “Unë dua të qëndroj në Angli, por çfarë do të ndodhë dhe çfarë do klubi, do të shohim”, ka thënë Trippier. Ai ishte lojtar kyç në përfaqësuesen e Anglisë që arriti në gjysmëfinale të Botërorit 2018 në Rusi.

Pos Trippierit, raportohet se Atletico do të transferojë edhe mbrojtësin spanjoll Mario Hermoso nga Espanyoli.

© KOHA

Komentet

Shto koment

Të ngjashme