Feronikeli ka konfirmuar se është përforcuar me mesfushorin shqiptar, Argjend Malaj.
“Klubi i Feronikelit, konfirmon se, që nga sot (e martë), Malaj do të jetë pjesë e kampionëve të Kosovës”, thuhet në konfirmimin e klubit nga Drenasi, transmeton Koha.net.
Malaj, 25 vjeçar, ishte futbollist i Kamzës në Kategorinë Superiore të Shqipërisë, ku më parë kishte mbrojtur edhe ngjyrat e Skënderbeut.
Argjend Malaj luan në pjesën qendrore të mesfushës dhe pati më shumë se 20 paraqitje në Kategorinë Superiore në sezonin e fundit.
Vushtrriasi tani e tutje do të mbrojë ngjyrat e Feronikelit.
