Ernesto Valverde pritet të shkarkohet të martën nga pozita e kryetrajnerit te Barcelona.
Sipas “El Mundo”, “Diario Sport” e shumë mediumeve tjera, vendimi i marrë nga kryesia është që të largohet trajneri. Vendimi po ashtu thuhet se i është bërë i ditur edhe Valverdes.
Trajneri Roberto Martinez është favoriti për të marrë udhëheqjen e ekipit.
Valverde ka udhëhequr Barçën drejt dy titujve të La Ligas rresht, ndërsa sivjet dështoi në finale të Kupës, por edhe u përmbys nga Liverpooli në gjysmëfinalen dramatike të Ligës së Kampionëve, prej 3 me 0 në ndeshjen e parë, në 4 me 3 në rezultat të përgjithshëm pas ndeshjes së dytë.
