Sport

Nis “playoff”-i në NBA. Fitojnë Golden State e San Antonio

Nis “playoff”-i në NBA. Fitojnë Golden State e San Antonio

Faza e “playoff”-it në NBA nisi në mënyrën më të mirë të mundshme për kampionët në fuqi të Golden State, që fitoi ndeshjen e parë në derbin kalifornian me Los Angeles Clippers 121-104.

Skuadra e Warriors e vendosi sfidën në drejtimin e dëshiruar që në pjesën e parë të sfidës, të cilën e mbylli me rezultatin 69-56. Protagonisti për Golden State në parket u bë Stephen Curry me 38 pikë të shënuara, 24 nga të cilat nga distanca e 3 pikëve, duke u bërë shënuesi më i mirë në historinë e “playoff”-it në NBA me gjuajtjet për 3 pikë. Me pikët e shënuara ndaj Los Angeles Clippers, Curry shkoi në 386 pikë të shënuara nga distanca, duke lënë pas një tjetër specialist në këtë aspekt të lojës, Ray Allen, me 385, transmeton tch.