2 perditesime
15:31

Loriana Kuka fiton medaljen e artë në Evropian

Loriana Kuka ka fituar medaljen e artë në Kampionatin Evropian U23 të xhudos, që po mbahet në Hungari.

Xhudistja kosovare triumfoi në kategorinë deri 78 kilogramë duke e mposhtur në finale gjermanen Christina Faber.

Në këtë kampionat Kosova fitoi edhe një tjetër të artë. Pos Kukës, të artën Kosovës ia solli edhe Akil Gjakova që triumfoi të shtunën.

13:18

Loriana Kuka arrin në finalen e Evropianit U23

Xhudistja Loriana Kuka ka kaluar në finale të Kampionatit Evropian U23 në Hungari për t’ia siguruar Kosovës medaljen e dytë nga ky kampionat.

Ajo fitoi në gjysmëfinale ndaj Giorgia Stangherlinit të Italisë për të siguruar finalen në kategorinë deri 78 kilogramë.

Kjo do të jetë medalja e dytë për Kosovën në këtë Evropian, pas të artës që ia solli Akil Gjjakova te meshkujt në kategorinë deri 78 kilogramë.

Në finale, Kuka përballet Christina Faberin e Gjermanisë.

12:51

Kosova i afrohet një tjetër medaljeje në Evropian

Xhudistja kosovare, Loriana Kuka, ka siguruar gjysmëfinalen në Kampionatin Evropian U23 që po mbahet në Hungari.

Pa probleme, garuesja që merr pjesë në kategorinë deri 78 kilogramë eliminoi Fanni Tothin nga Hungaria në rrethin e parë, më pas Ilona Lucassenin nga Holanda.

Në gjysmëfinale, Kuka përballet me Giorgia Stangherlinin e Italisë.

Dje në këtë kampionat, Akil Gjakova ia siguroi Kosovës të artën.