-
Nga:
Agnesa Vitija
- 12 janar 2022 13:40
- Shpërndaje në:
Mjaftojnë disa metra katrorë e pak muzikë që këto gra të mblidhen e të vallëzojnë së bashku. Me to është edhe udhëheqësja e grupit, Atletika Morina apo, siç e njohin të gjithë, Tika.
Zumbën, që konsiston në lëvizjet trupore, nën tingujt e muzikës latine e asaj moderne, Tika e ka mësuar qysh në moshën 6-vjeçare. Më pas vazhdoi me shkollimin profesional, ku edhe arriti të realizonte ëndrrën për një studio vallëzimi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Zumba është argëtuese, nuk është sikurse ushtrimet e tjera në të cilat mezi kalon ora. Ora e zumbës të duket si 5 minuta”.
Humbja e peshës është qëllimi kryesor se pse gratë duan të jenë pjesë e grupit të pasdites, por thonë se nuk mund të shkëputen më, sepse në këta 60 minuta argëtohen e marrin shumë energji pozitive.
Sipas Morinës, zumba fut në funksion të gjithë muskujt e trupit e ndihmon në shpejtimin e metabolizmit, ka dobi në sistemin kardiovaskular e në qarkullimin e gjakut.
“Përfshin lëvizjes e të gjithë trupit, prej majave të gishtave e deri në maje të kokës. E personat të cilët vijnë të humbin peshë duhet ta kuptojnë që nuk mund të dobësohen nëse nuk kujdesen në mënyrën e të ushqyerit. Ushqimi dhe ushtrimet duhet të shkojnë paralel”, shtoi instruktorja.
Burrat janë fare pak të interesuar për të qenë pjesë e zumbës. Sipas Tikës, kjo ndodh për shkak se në përgjithësi nuk kanë shumë njohuri rreth këtyre ushtrimeve fizike.
E për një kohë të gjatë ka pasur edhe shumë paragjykime.
“Dikur, nuk kanë pranuar të vallëzojnë me persona të gjinisë së kundërt”, shtoi ajo.
Hip-hop e latino janë grupet e tjera të gjakovares. Mosha e të interesuarve prej këtyre grupeve dallon, por për t’u theksuar është se adhuruesit e mëdhenj të vallëzimit janë adoleshentët-të rinjtë.
“Në këto ditë kam edhe persona që mbajnë orë private me qëllim që të mësojnë më mirë vallëzimin latin për ceremoninë e martesës. Por, më e veçanta klasës janë edhe një çift afër të 60-tave të cilët vijnë pa përtesë e më falënderohen cdo herë”, tregon me shumë entuziazëm Morina.
Tika thotë se atmosfera e krijuar brenda kësaj hapësire i përcjell deri në kafene. Duke i ndal dritat e mbyll edhe pjesën e fundit të rutinës së vallëzimit.