Qendra e pensionistëve e pozicionuar në Prishtinë, po rezulton të jetë vendi i tyre i preferuar.
Sipas Mybera Kasumit, në këtë qendër janë të regjistruar më shumë se 800 pensionistë.
Kryeqyteti ka rreth 10.000 pensionistë.
Ora 12 e ditës po i bashkon këta pensionistë në sallën e lojërave të qendrës. Shah e domino janë aktivitetet e tyre të preferuara.
Është Bajram Maloku, që po thuajse tërë javën e kalon pikërisht në këtë qendër.
Edhe
Pensionimi bashkon 12 miq nga rajone të ndryshme të Kosovës
Ka gati 12 vjet që ka dalë në pension, por pasioni për punën po e detyron që ai ende ta mbajë veten me aktivitete fizike.
Edhe pse të gjithëve po u pëlqen kjo qendër, pensionist akoma po përballen me problemin e njëjtë tash e shumë vjet. Pensionet që po i marrin nga shteti kosovar, nuk po janë të kënaqshme.
Puna si profesor që ka bërë Hajrush Emini, po bën që ai të ketë një jetë standarde me pensionin e tij, por ai ndien keqardhje për miqtë e tij që marrin pension nga 100 €.
Emini tregon se për një ditë arrin të shpenzojë rreth 20€ në ditë, në dallim nga të tjerët që shpenzojnë më pak ose hiç.
Një ndër pensionistët që merr pension të ulët është Adem Limaku.
Ai tregon se po të mos i kishte familjarët e tij për ta ndihmuar financiarisht, nuk do të dinte se si t’ia bënte.
Kushtet që qendra po i ofron për ta janë të mjaftueshme. Salla e shahut dhe e dominos, një berber dhe bufeja ku pensionistët kalojnë kohë me njëri tjetrin.
Edhe
Mungesë e punëtorëve, të moshuarit shërbehen vetë me çaj
Kryetarja Kasumi, për Kohavisionin tregon se përgjatë këtyre 2 vjetëve ka bërë shumë për këtë komunitet. Nuk ka kaluar shumë kohë qysh prej udhëtimit të fundit falas që e kishte organizuar për 100 pensionistë të qendrës, disa nga ta edhe që nuk kanë qenë kurrë në shtetin shqiptar.
Pasi që kalojnë rreth 4-5 orë aty, pensionistët sërish kthehen te familjet e tyre, me shpresën që do të takohen përsëri të nesërmen.
