Bonbon Cake është një biznes i vogël i krijuar brenda një hapësire të vogël në shtëpinë e Arta Deva-Barutit.
Produkti më i pëlqyer nga klientët i përgatitur nga Arta është mini-shtëpiza, e cila është shumë unike për nga përgatitja.
“Do e përgatisim një biskotë speciale që zakonisht bëhet në festat e fundvitit. Është speciale sepse përgatitet nga biskotat që përgatitet me gjalpë, sheqer të zi dhe ka përbërës të tjerë të veçantë”, tregon Deva-Baruti.
Ajo ka studiuar për një profesion krejtësisht ndryshe, por pasioni për kuzhinën i mundi të gjitha, e tani Arta është e fokusuar në gatim.
“Me profesion jam diçka tjetër, jam ekonomiste, edhe pse kam studiuar edhe stomatologjinë por për shkak rrethanave nuk e vazhdova. Ndërsa gatimi është pasioni im që erdhi nga dëshira për t’i ushqyer fëmijët e mi shëndetshëm”, thotë ajo.
Edhe
Mbushni ditët e fundvitit me produkte festive në Super Viva
Produktet që i bën ajo janë të gjitha të freskëta, e Ginger Bread Cookies fillimisht u përgatit pas dëshirës së fëmijëve të saj.
“Këtë shtëpizë kam pas dëshirë që moti ta përgatis për fëmijët e mi, ndërsa tani erdhi momenti. Këtu në Kosovë nuk kam pa që përgatit dikush, por në vendet e huaja e përgatisin mjaft shpesh”, shton ajo.
Procedura e përgatitjes i merr mjaft shumë kohë, pos pamjes unike që ka, edhe shija është e tillë.
“Brumi duhet të qëndroj në frigorifer për një kohë të gjatë, pastaj jepet forma, më pas pjekët. Më ka befasuar interesimi i madh i klientëve për ta porositur një shtëpizë të tillë, e cila është shumë e veçanta nga pamja por edhe mjaft e shijshme”, thotë ajo.
Edhe
Çokollatat e verërat, pjesë e pandashme e këtyre kutive
E patjetër, pjesa e preferuar e Artës është dekori i shtëpisë me motive festash.
“Dekori është pjesa që e dua më së shumti, e bëj me shumë dashuri ku e shprehi talentin tim, njëkohësisht ndihem edhe shumë rehat. Është pak e mundimshme sepse do kohë, por me vullnet dhe dëshirë rezultati është i pashmangshëm”, shton në fund ajo.
