I vjetër për kah ekzistenca, njëri prej objekteve kulturore të qytetit të Vushtrrisë, po merr edhe një funksion të ri.
Dikur ishte në pronësi të familjes së Agë Gjinollajt, familje e konvertuar në fenë myslimane me tradita e rite të veçanta në vitet ’60.
Funksioni i saj i dikurshëm është më se i njohur për vushtrriasit, veçanërisht për historianët e asaj ane.
Izet Miftari, historian, njofton për periudhën kur është ndërtuar Shtëpia e Mahmut Agë Gjinollit, pa i lënë anash shpjegimet për funksionet të cilat ajo i kishte.
Mosha 70-vjeçare, njërit nga banorët e Vushtrrisë ia bën të mundshme ta kujtojë shumë mirë objektin që dikur shërbeu si ambulancë.
Ishte planifikuar prej kohësh që Vushtrria antike të njihej nga qytetarët edhe përmes artefakteve e eksponateve të vjetra.
Është Shukrane Begu, udhëheqëse e Muzeut, e cila përmend idenë e një projekti si ky e renditjen në dhomat përkatëse të objektit dykatësh.
Njësoj sikurse objekti që do të shërbejë për ekspozimin e gjërave që dëshmojnë vjetërsinë e qytetit, Vushtrria shquhet edhe për shumë monumente të tjera kulturo-historike.