Kosova do të përcillet me mot të paqëndrueshëm deri të enjten.
Sipas Institutit Hidrometeorologjik të Kosovës, intensiteti i reshjeve do të rritet në ditët e ardhshme dhe mund të shkaktojë vërshime në disa zona të Kosovës, transmeton Koha.
Drejtoresha Letafete Latifi ka thënë se këtë javë do të fillojë edhe ulja e temperaturave, sidomos në viset malore.
“Në pjesën jugperëndimore do të ketë reshje me intensitet më të lartë dhe priten vërshime kryesisht në zonat urbane, ku infrastruktura nuk është edhe aq e mirë”, ka thënë Letafete Latifi.