Kërkesa të shumta për Kurbanë

Një traditë që Leutrim Koxha e trashëguar nga të parët është mbajtja e deleve.

Në mungesë të kullosave dhe punëtorëve, me këtë veprimtari po merret vetëm në prag të festës së Kurban Bajramit.

Kjo, edhe për arsyen që të mos shkëputet tërësisht nga e kaluara, meqenëse është rritur duke i parë të parët teksa kryenin këtë punë.

Në skaj të rrugës për në Kaçanik, në fshatin Rakë, e ka të vendosur tendën nën hijen e së cilës po qëndrojnë deshtë e delet që do të blihen si kurbanë për festën e Bajramit.

E ka raste kur Koxha i kryen edhe procedurat tjera si therjen e tyre, shpërndarjen e edhe pjekjen e mishit të kurbanit.

Meqenëse ai e ka një profesion tjetër, kjo është një punë që e bën më shumë për kënaqësi, e edhe të ardhurat thotë se janë të kënaqshme.

Rreth 150 dele e desh, i shet për çdo Kurban Bajram. Derisa pjekjen e tyre e bën gjatë tërë vitit, me porosi.