Degë e festivalit për filma të animuar “Anibar” është Akademia e Animacionit, ku 4 gjenerata nga qytete të ndryshme të Kosovës kanë marrë mësimet bazike për animacion.
Përveç organizatorëve të projektit për Akademinë e Animacionit, tashmë edhe studentë nga fusha të ndryshme kanë shprehur interesim për zhvillim në arte digjitale.
Diellza Hyseni qëllim e ka kujdesin ndaj kafshëve, andaj edhe e studion Veterinarinë, por po aq kohë e kujdes i kushton edhe mësimit se si të punojë animacione.
“Me arte digjitale nuk jam marrë më herët, vetëm me trdicionale. Përveç artit më pëlqen edhe me u kujdesë për kafshë, mi mirëmbajtë ato por mendoj që t’i vazhdoj të dyja”, thotë Hyseni.
Shoqja e saj, Albana Hajdini thotë se mësimet për animacion ka filluar t’i ndjekë nga kureshtja që kishte qysh e vogël se si krijohet një film i animuar.
Edhe
“Akademia e Animacionit” pret gjeneratën e gjashtë
“Qysh kam qenë e vogël kam qenë e interesuar në filmat e vizatuar se si krijohen, dhe kam pa dokumenarë të ndryshëm edhe e kam kuptu se sa e komplikuar është”, shton Hajdini.
Me anë të mbështetjes që e marrin nga Ambasada e Shteteve të Bashkuara të Amerikës dhe Komuna e Prishtinës, Akademia e Animacionin po vepron tash e 3 vjet.
“Tash jemi në gjeneratën e 4-t të akademisë së Animacionit, që ndryshon prej gjenersatave paraprake për shkak të formatit online”, shprehet Zana Ramoviq.
Diturinë në fushën e animacionit që e marrin nga mentorët do ta kenë mundësinë që ta shfaqin edhe në punë. Qoftë si praktikantë apo si të punësuar.
“Marrë parasysh që Akademia e Animacionit është akademia e parë, kemi parë koheve të fundit zhvillim të hovshëm”, shton ajo.
Krahas mësimeve praktike që studentët i marrin, pjesë të planprogramit kanë edhe anën kinematografike.
Edhe
“Akademia e Animacionit” për një brez të ri animatorësh vendorë
“Akademia e Animacionit i përket fushës së edukimit jo formal, kështu që të gjithë ata që vijnë i kanë 4 lëndë”, thotë Jon Mithi.
Tashmë nga Akademia e Animacionit kanë dalë studentë që kanë vazhduar studimet në metropole.
