Me pak interesim nga prindërit janë hapur kopshtet publike dhe ato në komunitet në Komunën e Prishtinës.
Drejtoresha e Arsimit, Shpresa Shala ka thënë se kanë dezinfektuar të gjitha objektet që menaxhohen nga Komuna e Prishtinës, raporton KOHA.
“Ka hezitim nga prindërit për shkak të frikës nga koronavirusi. Ndoshta për shkak të rasteve që ndodhen të hënën, sot kemi pak fëmijë në kopshte. Me fëmijë nuk mund të ketë distancë dhe kjo ka krijuar pak frikë te prindërit. Të gjitha kopshtet përveç asaj DIELLI që është në renovim janë hapur”, ka deklaruar Shala.
