Furra të shumta nëpër Kosovë, japin ushqim për personat në nevojë. Shumë nga to janë biznese familjare, siç është edhe kjo furrë në pjesën e vjetër të Prishtinës.
Por jo të gjithë e dinë këtë fakt se furrat japin ushqim falas.
Suzana Duraku-Krasniqi tregon se dhënia e ushqimit për ata që lypin bukë është përditshmëri e punës së saj në furrë dhe se ka persona që lënë para në furrë për t'i nxitur ato që ta vazhdojnë këtë veprimtari. E po ashtu këtë fenomen ajo e mban mend për të paktën 20 vjet.
Megjithatë, në këtë furrë nuk kanë parë rritje të kërkesës për ushqim falas.
Kriza ekonomike nuk i ka lënë të qeta as furrat, ndonëse produktet e tyre janë esenciale për qytetarët.
Edhe
“Lufta’’ e furrave për mbijetesë dhe kujdesi i tyre ndaj klientëve
Sidoqoftë, Duraku-Krasniqi thotë se nuk e kthejnë mbrapsht askënd.
Ndërkohë, sipas statistikave të Bankës Botërore për vitin e kaluar, 18 për qind e familjeve të Kosovës jetojnë me më pak se dy euro në ditë.
