Qëkur ishte 15-vjeçar, pasionin për kuzhinë e kishte nuhatur.
Me kalimin e viteve, e njohuritë e përgjithshme që mori nga eksperiencat që kishte nëpër restorante, atij i bëri përshtypje më shumë kuzhina japoneze, e tani Erjon Rexhbeqaj njihet për mjeshtërinë në përgatitjen e sushit.
Sipas 19-vjeçarit, kuzhinën japoneze mundet kushdo ta mësojë, por ka sekrete për të cilat duhet eksploruar edhe më shumë.
Për shijen e popullit kosovar, sushi nuk është i zakonshëm, por sipas Erjonit, nëse mësohesh me të, gjithnjë do ta kërkosh.
Mjeshtri i ri dëshiron që kuzhina japoneze të jetë më e pranishme në sofrat kosovare, sipas tij, ky ushqim është një nga faktorët që populli japonez njihen për jetëgjatësi dhe jetë të shëndetshme.
Në Kosovë tashmë ka lokale ku shërbehet ushqimi japonez, por sipas Erjonit, ende nuk ka mjeshtër kosovar të kësaj kuzhine dhe pretendon se është i vetmi në vend që di për të.
Përgatitja dhe përbërja është e llojllojshme, e Erjoni kujdeset që gjithnjë të jetë në hap duke kërkuar gjëra të reja.
Erjoni edhe pse i ri në moshë, tashmë po njihet për mjeshtërinë e tij, sezoni veror e pret në bregdetin shqiptar.
© KOHA. Të gjitha të drejtat janë të rezervuara.
