Me punë shumë, e fjalë pak, kështu e nisin dhe e përfundojnë ditën dy kopshtaret më të dashura për qytetin e Vitisë.
Ato që nga ora 8, e gjer në orën 16 përkujdesen që parku në qytet ta ketë nivelin më të lartë të pastërtisë, raporton KOHA.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPaulina Dokaj është nga fshati Kabash i Vitisë, e që 6 vjet për çdo ditë pune, mëngjesi e sjell në këtë vend për të punuar.
Për këto vite pune, Paulina ka fituar respektin e shumë prej qytetarëve, e madje edhe ka krijuar lidhje shoqërore me ta.
Shoqëruesja e përditshme e Paulinës, është Hamite Salihu, e cila me origjinë është nga Kukësi i Shqipërisë.
Ajo ka një histori të veçantë për jetën që ka krijuar në fshatin Smirë.
Pos shumë vështirësive, Hamitja nuk është ndalur e që tani po bën punën e kopshtares në qendër të qytetit, e njëkohësisht është në përfundim të studimeve që i kishin mbetur dikur në gjysmë.
Për punën e zellshme të dy kopshtarëve me të cilat krenohet Vitia, flet edhe kryetari, Sokol Haliti, i cili shpeshherë i viziton ato.
Ai tregon se asnjëherë nuk ka hezituar t’u flasë të gjithëve për punën e palodhshme që këto dy gra po e bëjnë, e edhe për dashamirësinë që u ofrojnë të gjithë qytetarëve.
Vitia është një komunë e vogël, e cila u mundëson secilit të njihen më lehtë me njëri-tjetrin, e pikërisht për këtë arsye edhe kopshtaret Paulina e Hamitja janë bërë pjesë e jetës së shumë familjeve të këtij qyteti.