Lirimi i liderit të AAK-së, Ramush Haradinaj, ka qenë kërkesa e protestuesve që kishin mbushur sheshet e Prishtinës.
Mbështetje ish-kryeministrit Haradinaj, i kanë dhënë edhe zyrtarë të opozitës dhe disa deputetë të pozitës, raporton KTV.
Ish-ambasadori i OSBE-së, William Walker, i cili tha se e ka mik të mirë, Ramush Haradianajn, ka thënë para protestuesve, se ajo çfarë po ndodh në Francë me heroin e Kosovës, është turp.
Deputeti Daut Haradinaj, ka thënë se pjesëmarrja e qytetarëve e dëshmon se vëllai i tij, Ramushi, nuk është vetëm.
Ai ka shtuar se Qeveria e Kosova, e ka mundësinë t’i thotë jo dialogut me Serbinë përderisa Serbia nuk ka kërkon falje për krimet që ka bërë, si dhe t’i thotë jo demarkacionit që i falë Malit të Zi mbi 8 mijë hektarë.
Jakup Krasniqi para të pranishmëve ka thënë se Franca nuk duhet të merret me akuzat që kurdisen nga pasardhërsit e Millosheviqit.
E, kreu i Prishtinës, Shpend Ahmeti, ka thënë se Haradinaj është vetë Kosova.
Protesta e qetë, ka përfunduar me videomesazhin e dërguar nga Franca të liderit të AAK-së Ramush Haradinaj.
