Reperi Wiz Khalifa do të bëhet baba për herë të dytë. Ai dhe e dashura e tij Aimee Aguilar janë në pritje të një vajze, raportoi të hënën “Female First”.
36-vjeçari është baba i 11-vjeçarit Sebastian me ish-gruan e tij Amber Rose.
Në një fotografi të publikuar nga çifti, shihet Wiz me duart e vendosura në barkun e të dashurës së tij, e cila po mbante një test shtatzënie.
“Vajza është rrugës”, ka shkruar ai.
Ish-gruaja e tij Amber ishte ndër të parat që e uroi publikisht çiftin, duke shkruar koment “mezi presim ta takojmë”.
Reperi i hitit “See You Again” është në lidhje me Aimee tash e pesë vjet.
Para disa ditësh Wiz Khalifa dhe Amber Rose janë bashkuar për të festuar përfundimin e shkollës fillore të djalit të tyre, Sebastianit.
Ata kanë publikuar një fotografi së bashku me 11-vjeçarin.
“Fëmija ynë po rritet” ka shkruar Amber mbi fotografinë ku shihen që të dy duke i dhuruar puthje djalit të tyre.
