Shtëpia e yllit "Dynasty", aktores Joan Colins, u shkatërrua në një zjarr në Londër.
Aktorja dhe bashkëshorti i saj ishin në shtëpi kur zjarri e kaploi edhe banesën e tyre, ndërsa Joan për shkak të vështirësive me frymëmarrjen iu ofrua ndihmë mjekësore.
"Mbetjet... E falënderoj brigadën e zjarrfikësve të Londrës. Faleminderit nga zemra të gjithë atyre që morën pjesë në shuarjen e zjarrit në shtëpinë time", shkroi aktorja në Twitter.
"Heroi im Percy e shoi zjarrin me një aparat dore për fikje të zjarrit, megjithëse zjarri tashmë e kishte kapluar të gjithë murin", shtoi ajo, duke iu referuar bashkëshortit të saj, Percy Gibson, i cili menjëherë reagoi.
Dhjetëra zjarrfikës erdhën pas thirrjes se po digjej një ndërtesë në Londër, ndërsa thirrjen e pranuan të shtunën rreth orës 16:30, njoftoi BBC.
Edhe
Paris Hilton brenda 72 orëve ka grumbulluar 800 mijë dollarë ndihmë për Los Angelesin
Në orën 17:35 zjarri u shua me sukses, ndërsa nga policia u konfirmua se dy persona u transportuan nga një ambulancë, por nuk u mbajtën në spital, shkruan KOHA Ditore.
Një pjesë e banesës në katin e parë të ndërtesës shtatëkatëshe ishte dëmtuar, ndërsa aktorja e postoi në Instagram xhirimin pas zjarrit.
