Ka vdekur në moshën 63-vjeçare këngëtarja e famshme, Irene Cara.
Këngëtarja dhe aktorja amerikane ishte më e njohur për rolin e saj në filmin Fame të vitit 1980, si dhe bashkë-shkrimin dhe këndimin e hitit të madh “Flashdance...What a Feeling”, për të cilin fitoi një Oscar dhe një Grammy.
Më vonë ajo luajti në filma përballë Clint Eastwood dhe Tatum O'Neal, raportoi BBC-ja të shtunën.
Publicisti i Caras, i cili njoftoi vdekjen e saj, tha se ajo vdiq në shtëpinë e saj në Florida, por shkaku është "aktualisht i panjohur".
E lindur në vitin 1959 në Bronx, New York City, Cara ishte më e vogla nga pesë fëmijët dhe filloi karrierën e saj në TV në gjuhën spanjolle. Babai i saj ishte portorikan dhe nëna e saj, kubano-amerikane.
Pasi kishte regjistruar muzikën si fëmijë, si në spanjisht ashtu edhe në anglisht, ajo vazhdoi të shfaqej në një numër muzikalësh në Broadway.
Edhe
Vdiq në moshën 33-vjeçare aktorja e “Disneyt”, Carla Jeffery
Por ishte viti 1980 kur ajo fitoi famë me rolin e Coco Hernandez.
Performanca e saj i dha asaj një nominim për aktoren më të mirë në Golden Globe Awards 1981.
Cara më vonë shkroi dhe ishte vokalistja e “Flashdance...What A Feeling”, nga filmi i suksesshëm i vitit 1983 “Flashdance”, dhe fitoi një çmim Grammy për performancën më të mirë vokale të femrës pop, si dhe një çmim Oscar për këngën më të mirë origjinale.
