Partneri prej shumë vjetësh i aktores, Sandra Bullock, fotografi i njohur Bryan Randall, ka vdekur të hënën në moshën 57-vjeçare.
Familja e tij e ka konfirmuar lajmin, duke bërë të ditur se ai vdiq pas një beteje 3-vjeçare me sklerozë amiotrofike laterale, ndryshe e njohur si ALS.
Në një deklaratë për media, familja e Randallit u shpreh jashtëzakonisht mirënjohëse ndaj mjekëve që i ndihmuan fotografit që ta menaxhojë sëmundjen deri në momentet e fundit të jetës.
Motra e yllit hollywoodian, Sandra Bullock, e lavdëroi atë për mënyrën e mahnitshme të kujdesit ndaj partnerit të saj prej 8 vjetësh.
“ALS është një sëmundje e ashpër por është njëfarë ngushëllimi kur e dimë se ai kishte kujdestaren më të mire, që është motra ime e mrekullueshme, dhe një grup të infermierëve që ajo mblodhi e të cilët e ndihmuan të kujdesej për të në shtëpinë e tyre”, deklaroi Gesine Bullock-Prado përmes një postimi në Instagram.
Lajmi për vdekjen e Randallit fillimisht u bë publik nga familja e tij për revistën “People”. Ata zbuluan se nga koha e diagnostikimit me ALS, fotografi kishte vendosur ta mbajë të fshehtë betejën e tij me këtë sëmundje. ALS është një sëmundje progresive për të cilën nuk ka kurë. Shkaktohet nga vdekja e qelizave nervore në tru dhe palcë kurrizore që kontrollojnë lëvizjen e muskujve që ne kontrollojmë me vetëdije.
Edhe
Sandra Bullock pauzoi katër vjet nga filmat për t’u shëruar emocionalisht pas vdekjes së partnerit
Sandra Bullock më së miri njihet për filma të tillë si, “Speed”, “Gravity” dhe “Miss Congeniality”. Në vitin 2010 ajo e fitoi një shpërblim “Oscar” për performancën e shkëlqyer në filmin “The Blind Side”. Aktorja dhe i dashuri i saj fotograf ishin një çift që e ruanin privatësinë e tyre. Randall, rrallë herë e shoqëronte Bullockun në premiera me qilim të kuq, por ata shpesh fotografoheshin së bashku duke kryer obligime nga jeta e përditshme së bashku me dy fëmijët e adoptuar të Bullockut, Louis dhe Laila. Randall po ashtu e ka lënë pas një vajzë nga lidhja e tij e mëparshme, Skylar.
{gallery}
