Taika Waititi do të kthehet për “Thor 4”

Taika Waititi po kthehet në karrigen e regjisorit për ta bërë regjinë e “Thor 4”.

Burimet e “Deadline” thonë se regjisori është angazhuar për ta shkruar skenarin dhe për ta bërë regjinë e filmit të ardhshëm në franshizën e Marvel, dy vjet pasi kishte bërë regjinë e vlerësuar të Thor: Ragnarok, i cili u shfaq në kinema në vitin 2017.

Ngjarja e filmit të katërt është ende duke u krijuar, por Chris Hemsworth është angazhuar për ta përsëritur rolin e tij si superheroi me çekiçin vrasës, shkruan KOHA Ditore.

“Thor 4” nuk ka ende datë të shfaqjes.

Waititi i zënë ka projekte të shumta në pritje - ai është angazhuar edhe për ta bërë regjinë e filmave aksion “Akira” dhe “Flash Gordon”.