Në kuadër të skemës programore të Kohavisionit pas përfundimit të sezonit të emisionit “1 kafe me Labin”, vera do të sjellë versionin veror të këtij emisioni.
“Summer 1KL”, titullohet emisioni i cili do të nisë transmetimin çdo të shtunë nga ora 20:00, nga 14 korriku.
Në drejtimin e Labinot Gashit emisioni do të sjellë materiale nga riviera shqiptare, turke dhe ajo e Ulqinit.
Emra të njohur si Meda, Sinan Hoxha, Big Mama e yje të tjerë të estradës kosovare do të jenë pjesë e “reality shout” të realizuar në Turqi.
Për tetë javë rresht në 90 minuta në ekranin e Kohavisionit do të vijë ky program, i cili brenda vetes gërsheton argëtimin, muzikën dhe humorin.
