Komediani i njohur, Dave Chappelle, është sulmuar në skenë gjatë një performance në Los Angeles.
Një burrë, për të cilin policia thotë se ishte i armatosur me armë zjarri të plastikës, doli befas në skenë dhe e rrëzoi komedianin e famshëm.
Policia e Los Angelesit e konfirmoi sulmin, duke thënë se është ende e paqartë nëse sulmuesi ishte adhurues apo nëse po mendonte ta përdorte armën për ta lënduar Chappellein.
Në videot e publikuara online, personi në fjalë shihet duke vrapuar drejt skenës dhe duke u përplasur me komedianin. Më pas shihet një grup i njerëzish që vrapojnë nëpër skenë për ta zënë atë.
Sulmuesi i cili doli në skenë nga publiku, u ndalua nga ekipi i sigurimit dhe më pas u dërgua në spital për trajtimin e disa lëndimeve të vogla trupore. Chappelle nuk ka pësuar lëndime.
Motivet e sulmit që ndodhi të martën mbrëma nuk janë bërë të qarta ende.
Edhe
Rock thyen heshtjen pas shuplakës së Smithit
Dave Chappelle po performonte në amfiteatrin “Hollywood Bowl” si pjesë e festivalit të komedisë, “Netflix Is a Joke: The Festival”, që po zhvillohet nga 28 prilli deri më 8 maj. Në disa skeqe ai u shoqërua në skena nga komedianët tjerë të famshë, Leslie Jones, Jon Stewart dhe Chris Rock. Kujtojmë se ky i fundit po ashtu u sulmua në skenë nga kolegu i tij, Will Smith, i cili e goditi me shuplakë në fytyrë në ceremoninë e ndarjes së çmimeve “Oscar” në muajin mars.
Chappelle, kohëve të fundit është pushtuar nga kritikat e ashpra të komunitetit LGBTQ+, të cilët pohojnë se marka e komedianit është bërë sinonim me talljen e njerëzve trans dhe komuniteteve të tjera të margjinalizuara.
