Këngëtarja me prejardhje nga Kosova, Rita Ora, është shfaqur e lumtur teksa shijonte motin e mirë në Hollywood.
Krijuesja e hitit “Bang” kishte të veshur një fustan veror në ditën kur i dashuri i saj, regjisori Taika Waititi, theu heshtjen për puthjen e famshme me Orën dhe aktoren Tessa Thompson.
Këngëtarja, 30-vjçare, dhe i dashuri i saj, 45-vjeçar, në muajin maj janë kapur duke u puthur së bashku. Sidoqoftë, Waititi ka insistuar se puthja “nuk është punë e madhe”, ani pse shefat e studios filmike “Marvel” janë shprehur të pakënaqur me sjelljen e tij.
Në një intervistë për “ET Canada”, regjisori nuk i ka kushtuar shumë rëndësi puthjes me dy gratë. Kur është pyetur nëse ishte i pakënaqur për vëmendjen që mori në medie në lidhje me rastin, ai ka thënë se fotoja është keqkuptuar.
“Jo aspak. Mendoj se në botën e internetit gjithçka ikën shumë shpejt”, ka thënë Waititi.
“A është punë e madhe? Jo, aspak. Nuk kam bërë asgjë të gabuar. Është krejt në rregull”, ka shtuar ai.
Edhe
Rita Ora thyen heshtjen për fotografitë me bashkëshortin dhe aktoren Tessa Thompson
Ndërkaq burimet e ndryshme brenda studios filmike kanë thënë se shefat e dinë për reputacionin e regjisorit si njeri i jetës së natës.
“Nuk është sekret reputacioni i tij për ahengjet, por fotografitë e kaluan vijën e kuqe”, ka thënë një burim.
